“Бабуно” ХХК-тай 9 жилийн турш хамт байсан эрхэм хүндэт хэрэглэгч, дотоод гадаадын хамтрагч, ажилтан, эрүүл мэндийн салбарынхан та бүхний амар амгаланг айлтгаж, эрүүл энх сайн сайхныг хүсэн ерөөн мэндчилж байна. 

Бид байгуулагдсан цагаасаа эхлэн ард иргэдийн амны хөндийн эрүүл мэндийг хамгаалах үйлсэд идэвхитэй оролцож, хэрэглэгчийн хэрэгцээ, хүслийг чин зорилгоо болгон чанартай түүхий эд, дэлхийд шалгарсан технологи,  хүнлэг үйлчилгээ, тав тухтай орчныг санал болгон ажилласаар ирсэн билээ.

Үүний тулд дэвшилтэд технологи, үйлчилгээний арвин их туршлагатай Япон улсын шүдний салбарт ажиллаж буй эмнэлэг, компаниудтай хамтран шинэ үйлчилгээг нэвтрүүлэн Монголын шүдний салбарыг дэлхийн хөгжилтэй зэрэгцүүлэх алсын хараа тавин ажиллаж байна. Уг алсын хараанд хүрэх бидний эхний алхам болох Герман улсын Sirona компанийн Cerec төхөөрөмжийн CAD/CAM технологийг хэрэглэгчиддээ хүргээд өдгөө 2 жилийн хугацаанд олон үйлчлүүлэгчийн таашаалыг хүртэж байгаа ололт амжилттай.

Үүнээс гадна бид шүдний эмнэлгийн цогц үйлчилгээг үзүүлж чадах “Мирай Дентал” шүдний эмнэлгийг 2018 онд байгуулан амны хөндийн үйлчилгээг нэг дороос хүргэх болсондоо туйлын баяртай байна.

“Мирай Дентал” шүдний эмнэлгийн хамт олон нь хэрэглэгч, түншүүдийн хамтаар Монгол улсын эрүүл мэндийн салбарыг манлайлан хөгжүүлж, нийт ард иргэд, аж ахуйн нэгжүүдэд шинэ боломжуудыг нээж өгөх их үйлсэд тогтмол шамдсаар байна.

Бидэнтэй үргэлж хамт байгаа та бүхэндээ гүнээ талархаж итгэл найдварыг тань өндөрт өргөж явахыг тулд хичээх болно гэдгийг үүгээр илэрхийлье.